تعليقـات المواضيع * مهم جداً أرجو من الجميع الدخول *
أهلاً بنات حبيباتي
كيفكم؟؟
بالنسبة لما أقول لو وصلنا مثلاُ 500 تعليق بيصير فيه مسابقة , مو تكتبولي طلاسم!!
أنا مرة زعلانة منكم مع إني نبهتكم من قبل!
يعني أختنا في الله الله يهديها شوفوا ايش مسوية :
بالله دا منظر؟ لو أنا طالبة منكم تعليقات كدا كان ابداً ماتعبنا وكان كل كلامنا طلاسم ! أنا أبغى كلام مفهوم ,, والقوانين للتعليق:
1- الحروف والطلاسم دي ما أبغاها أبداً وأي تعليق يجيني بدا الشكل حستبعد صاحبته من المسابقات .
2- الصورة الإباحية علطول مستبعدة بلا رجوع .
3- أي مواضيع مسببة للجدل ووحده من البنات فتحتها كمان مستبعده .
4- تحشي في بنت أو تذكريها بسوء كمان مستبعدة .
المسموح :
1- النكات " المحترمة بدون إساءة لأي طرف أو طائفة من المجتمع " أو أي ديانة من الأديان السماوية .
2- الدردشه العامة زي كيفك اخبارك وكدا .
3- ممكن تسألي وبكل أريحية يعني عادي .
وأتمنى تلتزموا ..
monamaily
0 التعليقات